പ്രിയപ്പെട്ട ഗ്രാമത്തിന്
നിന്റെ ശാലീന സൌന്ദര്യത്തെക്കുറിച്ച് വര്ണിക്കാന്
ഞാന് കവിയല്ല....
നിന്നെ കുറിച്ച് പാടാന് ഞാന് നെരുദയുമല്ല....
ഞാന് വെറുമൊരു കാമുകന്
എന്നെ നിരാശപ്പെടുത്തരുതെ
ഞാന് നിന്റെ മനോഹരദൃശ്യം പകര്ത്താം
ബട്ടണമര്ത്തി തെളിയും സ്ക്രീനില്
മണവും സൌന്ദര്യവും തട്ടിയകറ്റി
ഞാന് പുതിയ വഴിവെട്ടുമ്പോള്
ഭയക്കുന്നു ഞാന് - നിന്നെ മറക്കുമോ
അതിനാല് ഞാന് നല്കാം
മണവും മധുരവുമില്ലാത്ത ഒരോര്മ്മയഗ്നം
തന്നെ മറന്ന ദുഷ്യന്തനെ -
മോതിരം കാണിച്ചോര്മപ്പെടുത്തിയ
ശകുന്തളയെപ്പോലെ
സന്ദേശങ്ങളയച്ച് ഓര്മപ്പെടുത്തുക നീയെന്നെ
വിട തരൂ തോഴീ.... പോകട്ടെ ഞാന്....
(മുഹമ്മദ് സാലിഹ്, പത്താം തരം)
No comments:
Post a Comment