അവന്‍റെ ലോകം
ഞാന്‍,
തൂലികയുടെ കൂട്ടുകാരന്‍
എനിക്കു ചിലതു പറയണം
ചിലതല്ല; ഒന്നുമാത്രം - അതവനെക്കുറിച്ചാണ്
അവന്‍ പറയും
"ഞാനിരിക്കുന്നു
നാല്ചുവരുകള്‍ക്കുള്ളില്‍
അറിയുക ഞാന്‍ ബന്ധിതനല്ല
ഇതാണെന്‍ ലോകം
ഇവിടെ ഞാന്‍ സൗഹൃദസമ്പന്നനാണ്
ലോകം വിരല്‍ത്തുമ്പില്‍
അത് സുന്ദരമാണ്
ഇനി ഞാന്‍;
നിന്‍റെ ലോകത്ത്‌ ശലഭങ്ങളുണ്ടോ?
മൈക്രോ ചിപ്പുകളുണ്ട്
അമ്മയുടെ താരാട്ടു പാട്ട് നീ കേട്ടുവോ ?
റെക്കോഡ്‌ ചെയ്തിരിക്കുന്നു.
ഓ! അമ്മ ബിസിയയിരിക്കും.
മഴയില്‍ കളിച്ചതിനച്ച്ചന്‍ ശകാരിച്ചുവോ?ഇല്ല! പപ്പയിഗ്ലാണ്ടിലാ - പിന്നെ
മഴയത്തു ഞാന്‍ റെയ്ന്‍ കോട്ടിടും
ഗാന്ധിയരെന്നറിയുവോ ?
ഗാന്ധിയാണഗിള്‍......! ഇന്ത്യയുടെ പപ്പ.
ഭാവിയിന്ത്യന്‍പൌരനത്രെയിവന്‍
ഞാന്‍ തൂലികയുടെ കൂട്ടുകാരന്‍
അറിയുക ഞാന്‍ ബന്ധിതനല്ല....?
(റാഷിദ, ഒന്‍പതാം തരം)
