22 –മത് സംസ്ഥാന സബ് ജൂനിയർ നെറ്റ് ബോൾ ചാമ്പ്യൻഷിപ്പ് പാലാഴി  ഇരിങ്ങല്ലുർ ഗവ: ഹയർ സെക്കണ്ടറി സ്കൂൾ ഗ്രൌണ്ടിൽ ഇന്ന് 12-11-2016 നു കാലത്ത്  11 മണിക്ക് ബഹു: കുന്ദമംഗലം എം.എൽ.എ ശ്രീ. പി.ടി.എ റഹീം ഉദ്ഘാടനം ചെയ്തു.
              14 ജില്ലകളിൽ നിന്നായി എത്തിയ കായികതാരങ്ങൾ അണിനിരന്ന മാർച്ച് പാസ്റ്റിനു ശേഷം നെറ്റ് ബോൾ ഫെഡറേഷൻ ഒഫ് ഇന്ത്യ ജോയിന്റ് സിക്രട്ടറി ഡോ: ഡി. ശെൽവം, കോഴിക്കോട് ജില്ലാ നെറ്റ്ബോൾ അസ്സോസിയേഷൻ പ്രസിഡണ്ട് ശ്രീ. മുരളി ബേപ്പൂർ എന്നിവർ ചേർന്നു പതാകയുയർത്തി.
                      കോഴിക്കോട് ബ്ലോക്ക് പഞ്ചായത്ത് പ്രസിഡണ്ട് ശ്രീ. മനോജ് കുമാർ. എൻ സ്വാഗതമാശംസിച്ച ചടങ്ങിനു കോഴിക്കോട് ജില്ലാ പഞ്ചായത്ത് പ്രസിഡണ്ട് ശ്രീ. ബാബു പറശ്ശേരി അധ്യക്ഷത വഹിച്ചു.
                      മേളയുടെ സംഘാടനത്തിടെ വൈദ്യുതാഘാതമേറ്റ് മരണമടഞ്ഞ സന്ദീപിന്റെ മരണത്തിൽ അനുശോചനം രേഖപ്പെടുത്തുകയും രണ്ട് മിനുറ്റ് മൌനമാചരിച്ചു കൊണ്ട് പരിപാടികൾ ആരംഭിച്ചു.
                       കേരള നെറ്റ് ബോൾ അസ്സോസിയേഷൻ ഹോണരറി സിക്രട്ടറി ശ്രീമതി. തനൂജ നുജും റിപ്പോർട്ട് അവതരിപ്പിച്ചു. കേരള സ്റ്റേറ്റ് സ്പോർട്സ് കൌൺസിൽ പ്രസിഡണ്ട് ശ്രീ. ടി. പി. ദാസൻ മുഖ്യാഥിതിയായിരുന്നു. ഫയർ ആന്റ് റസ്ക്യൂ ഡിവിഷണൽ ഓഫീസർ ശ്രീ. അരുൺ അൽഫോൻസ്, അഡിഷണൽ ഡിസ്ട്രിക്ക് മെഡിക്കൽ ഓഫീസർ ഡോ: ആഷാദേവി, ജില്ലാപഞ്ചായത്ത് മെബർ ഉഷ.സി, വി.എം. മോഹനൻ മാസ്റ്റർ, ബ്ലോക്ക് പഞ്ചായത്ത് വൈസ് പ്രസിഡണ്ട് എ.പി ഹസീന, പി .ടി.എ പ്രസിഡണ്ട് കബീർ കെ.പി, പ്രധാനാധ്യാപിക നളിന. കെ എന്നിവർ ആശംസകൾ അർപ്പിച്ചു. ഓർഗനൈസിങ്ങ് സിക്രട്ടറി കെ.യു ബാബു നന്ദി രേഖപ്പെടുത്തി.

No comments:

Post a Comment